Basa hormat jeung basa loma[édit | édit sumber]

Sahanteuna aya dua ragam dina tatakrama basa Sunda, nya éta basa hormat jeung basa loma. Basa hormat umumna dipaké dina suasana resmi, nyarita jeung nu dipihormat, ogé nyarita jeung nu can wanoh. Sedengkeun basa loma umumna dipaké dina suasana loma atawa jeung batur nyarita nu geus loma.

Basa kasar[édit | édit sumber]

Sabenerna aya hiji deui ragam basa Sunda, nyaéta basa kasar atawa garihal. Ragam basa ieu sok dipakéna sawaktu keur ngambék, nyarékan, paséa, ngécé, atawa ka sato. Tangtuna lantaran kasar, ragam basa ieu teu kaasup kana tatakrama.

Kecap-kecap utama[édit | édit sumber]

Gaganti ngaran[édit sumber]

loma	hormat ka sorangan	hormat ka batur
akang	akang	engkang
kuring / déwék / urang	abdi / sim kuring	...
kuring saréréa	abdi sadayana	...
maneh / hidep	...	anjeun
manehna	...	anjeunna
pribadi	pribados	ku anjeun
sorangan	sorangan	nyalira

Pancakaki[édit sumber]

loma	hormat keur sorangan	hormat keur batur
adi	pun adi	tuang rai
aki	pun aki	tuang éyang
alo	pun alo	kapiputra
anak	pun anak	tuang putra
bapa	pun bapa	tuang rama
baraya / dulur	réréhan / wargi	wargi
bibi	pun bibi	tuang ibu
budak	budak	murangkalih
cikal	anak cikal	putra pangageungna
deungeun-deungeun	nu sanés / sanés wargi	nu sanés / sanés wargi
incu	pun incu	tuang putu
indung	pun biang	tuang ibu
kolot	kolot	sepuh
lanceuk	pun lanceuk	tuang raka
minantu	minantu	mantu
mitoha	mertua	mertua
nini	pun nini	tuang éyang
pamajikan	pun bojo	tuang rai / tuang istri / geureuha
paman	pun paman	tuang rama
salaki	pun lanceuk	carogé / tuang raka
téré	téré	kawalon

Babagian awak[édit sumber]

loma	hormat ka sorangan	hormat ka batur
awak / badan	awak / badan	salira / sarira
beuheung	beuheung	tenggek
beungeut	beungeut	pameunteu / raray
beuteung	beuteung / padaharan	patuangan / lambut
birit / bujur	birit / bujur	imbit
bitis	bitis	wentis
biwir	biwir	lambey
bujal	bujal / puseur	udel
buuk	buuk	rambut
cangkéng	cangkéng	angkéng
ceuli	ceuli	cepil
diri	diri	salira
dubur	dubur	palawangan
gado	gado	angkeut
halis	halis	kening
haté	haté	manah
huntu	huntu	waos
irung	irung	pangambung
kasakit / kanyeri	kasakit / kanyeri	kasawat
kélék	kélék	ingkab / déhé
kuku	kuku	tanggay
kumis	kumis	rumbah
lého	lého	umbel
létah	létah	ilat
leungeun	leungeun	panangan
panon	panon	soca
pianakan	pianakan	wewetengan
pingping	pingping	paha
pipi	pipi	damis
ramo	ramo	réma
sirah	sirah	mastaka
sirit	larangan	larangan
sora	sora	soanten
suku	suku	sampéan
sungut	sungut / cangkem	baham
susu	susu	pinareup
taktak	taktak	taraju
tarang	tarang	taar
tonggong	tonggong	pungkur
tuur	tuur	deku

Pakéan[édit sumber]

loma	hormat keur sorangan	hormat keur batur
ali	ali	cingcin / lélépén
baju	baju	raksukan
bendo	bendo	udeng
beubeur / sabuk	beubeur / sabuk	beulitan
calana	calana	lancingan
carécét / saputangan	carécét / saputangan	salempay
gelung	gelung	sanggul
geulang	geulang	pinggel
iket	iket / totopong	totopong / udeng
iteuk	iteuk	teteken
karémbong	karémbong / kekemben	kekemben
keris	keris	duhung
kongkorong	kongkorong / kangkalung	kangkalung
panitih	panitih	sangkétan
payung	payung	pajeng
sabuk / beubeur	beubeur	beulitan
samping	samping / sinjang	sinjang
sisir	sisir / pamérés	pamérés
suweng	suweng	kurabu
topi	topi	tudung
wedak	wedak	pupur

Nu di imah[édit sumber]

loma	hormat keur sorangan	hormat keur batur
anggel	anggel / bantal	bantal
cacangkir / cangkir	cacangkir / cangkir	tangkepan
ciling / pacilingan	kakus	jamban
dapur	dapur	pawon
enggon / kamar	pamondokan	pangkuleman
gardéng / rérégan	gardéng / rérégan	lalangsé
guguling	guguling	pepedek
imah	rorompok	bumi
kéjo / sangu	sangu	sangu
pancuran / kamar mandi	jamban	jamban
samak	amparan	amparan
simbut	simbut	kampuh

Kaséhatan jeung nu karasa ku awak[édit sumber]

loma	hormat keur sorangan	hormat keur batur
balur	balur	lulur
batuk	batuk	gohgoy
begang / kuru	begang	langsip / langsit
bengék / mengi	asma	ampeg
bisul	bisul	gambuh
bolonan / kotoran / palangan / héd	udur sasih / kareseban	kareseban
cageur	pangésto / pangéstu	damang
cangkeul	cangkeul	pegel
capé	capé	palay
gering	udur	teu damang
kalenger / kapaéhan / kapiuhan	kapaéhan / kapiuhan	kapidara
kumbah / kukumbah	kumbah / kukumbah	wasuh / wawasuh
lapar	lapar / hoyong neda	palay tuang
mamayu	mamayu	mamajeng
muriang	muriang	nyenyepan
obat / ubar	obat / ubar	landong
parna	répot	wales
prihatin	prihatin	prihatos
rieut	rieut	puyeng
sakit / kasakit	kasakit	kasawat
salésma	salésma	pileg
seubeuh	sesek / wareg	wareg
tunduh	tunduh	palay kulem

Nu karasa ku haté[édit sumber]

loma	hormat keur sorangan	hormat keur batur
ambek	ambek	bendu / wera
atoh / bungah	bingah	bingah
bageur	bageur	saé manah
bangga	sesah	sesah
beuki	beuki / seneng	sedep
bingung	bingung	éwed
bungah / gumbira	bingah	bingah
daék	daék / purun	kersa
éra	isin	lingsem
genah / geunah	raos	raos
gimir	gimir	rentag manah
hawatir / watir / karunya	watir	hawatos
hélok	héran	hémeng
inggis / risi	inggis / risi	rémpan
ngeunah	ngeunah	raos
rasa / rumasa / karasa	raos / rumaos / karaos	raos / rumaos / karaos
resep / karesep	karesep	kalangenan
ripuh	ripuh / répot	répot
sadia / sayaga	sayagi	sayagi
salempang / hariwang	salempang	salempang / rejag manah
sedih	sedih	sedih / sungkawa
senang	senang	raos manah
sono	sono	honeng
wani	wantun	wantun

Kaluar tina awak[édit sumber]

loma	hormat keur sorangan	hormat keur batur
ciduh	ciduh	ludah
cikiih	cikahampangan	cikahampangan
cipanon	cipanon	cisoca
késang	késang / karinget	karinget
tai	kokotor	kokotor
utah	utah	luga

Nuduhkeun tempat[édit sumber]

loma	hormat keur sorangan	hormat keur batur
antara	antara	antawis
belah	palih	palih
deukeut	deukeut	caket
gigireun	gigireun	gédéngeun
hareup	payun	payun
jauh	tebih	tebih
jero	lebet	lebet
katuhu	katuhu	tengen
kédé	kénca	kiwa
lebah / palebah	leresan	leresan
pandeuri	ti pengker	ti pengker
tukang	pengker / pungkur	pengker / pungkur

Waktu[édit sumber]

loma	hormat keur sorangan	hormat keur batur
baréto / baheula	kapungkur / kapengker	kapungkur
beurang	siang	siang
bulan	sasih	sasih
burit	sonten	sonten
gancang / téréh	énggal	énggal
geuwat	geuwat	énggal
heubeul / lawas	heubeul / lami	lami
isuk / isukan	énjing	énjing
isuk-isuk	énjing-énjing	énjing-énjing
kakara / karék	nembé	nembé
kalan-kalan / sakapeung	sawaktos-waktos	sawaktos-waktos
lila	lami	lami
malem / peuting	wengi	wengi
mimiti / mimitina	kawitna	awitna / kawitna
poé	dinten	dinten
sakeudeung	sakedap	sakedap
soré	sonten	sonten
taun	taun / warsih	warsih
témpo	sarantos	sarantos

Pagawéan awak[édit sumber]

loma	hormat keur sorangan	hormat keur batur
ambeu / ngambeu	ngambeu	ngambung / ngangseu
angir / diangir	dikuramas	dikujamas
asa / rarasaan	raraosan	raraosan
aso / ngaso	ngaso	leleson
bireungeuh / mireungeuh	mireungeuh	ningali
buang / bubuang / ngising	miceun	kabeuratan
cabak / nyabak	nyabak	nyepeng
caneut / nyaneut	nyaneut	ngaleueut
carita / omong / nyarita / ngomong	nyanggem	nyarios
cécéwok	obéh / ombéh	obéh / ombéh
cekel / nyekel	nyekel	nyepeng
ceurik	ceurik	nangis
cium / nyium	nyium	ngambung
cokot / nyokot	ngabantun	nyandak
cukur / dicukur	dicukur	diparas
dahar	neda	tuang
dangdan	dangdan	dangdos
déngé / ngadéngé	nguping / mireng	ngadangu
diuk	diuk	calik / linggih
éndong / ngéndong	ngéndong	ngawengi
gégél	gégél	landep
geuing / ngageuing	ngageuing	ngémutan
heuay	heuay	angob
hitut	hitut	kabobosan
hudang	hudang	gugah
igel / ngigel	igel / ngigel	ibing / ngibing
ilik / ngilikan	ningal / ningalian	ningal / ningalian
impi	impén	impén
imut	imut	mésem
inum	inum	leueut
katara / kaciri	katawis	katawis
kedeng / ngedeng	ngedeng	ébog
kélék / ngélék	ngélék	ngadéhé
kiih	kahampangan	kahampangan
labuh	labuh	geubis
lahun / ngalahun	ngalahun	mangkon
lalajo	nongton	nongton
létak / dilétak	dilétak	diilat
malik	malik	mayun
mandi	mandi	siram
maot	maot	pupus / tilar dunya
ngais	ngais	ngemban
ngising	kabeuratan	kabeuratan
nguluwut / nguyung	nguluwut / nguyung	ngangluh
nyaring	nyaring	gugah / teu acan kulem
paké / maké	nganggo	nganggo
pangku / mangku	mangku	mangkon
pencét / mencétan	meuseulan	meuseulan
ranyéd / ngaranyéd	ngaranyéd	ngalambangsari
reureuh	reureuh	ngaso
roko / udud / ngaroko / ngudud	roko / ngaroko	sesepeun / nyesep
sampak / nyampak	nyampak	nyondong / kasondong
saré	mondok	kulem
sasarap	sasarap / neda (énjing-énjing)	tuang (énjing-énjing)
sebut	sebat	sebat
seupah / nyeupah	nyeupah	ngalemar
seuri	seuri	gumujeng
sibanyo	sibanyo	wawasuh
sisig / nyisig	sisig / nyisig	susur / nyusur
teleg / teureuy	teleg / teureuy	telen
tembang	tembang	mamaos
ténjo	tingal	tingali
teundeun / tunda	simpen	simpen
tincak	nincak	nincak
tunggu	antos	antos
ulin	ulin	ameng

Lalampahan[édit sumber]

loma	hormat keur sorangan	hormat keur batur
abus	lebet	lebet
amit / amitan	permios	permios
anteur / nganteur	jajap / ngajajapkeun	nyarengan
arep / diarep-arep / ngarep-ngarep	ajeng / diajeng-ajeng / ngajeng-ngajeng	ajeng / diajeng-ajeng / ngajeng-ngajeng
badarat	badarat	nyacat
balik / mulang	wangsul	mulih
cicing	matuh	calik / linggih
cunduk / datang	dongkap	sumping / rawuh
ilu / ngilu	ngiring	ngiring
indit / miang	mios	angkat
jugjug / ngajugjug	bujeng / ngabujeng	bujeng / ngabujeng
kabur / minggat	minggat	lolos
kari / tinggal	kantun	kantun
leumpang	leumpang	angkat
paju / maju	majeng	majeng
patuh / matuh	matuh	linggih
pegat / kapegat	kapegat	kaandeg
permisi	permios	permios
pindah	pindah	ngalih
saba / nyaba	nyanyabaan	angkat-angkatan
tumpak	tumpak	tunggang
turun	turun	lungsur

Dikutip dari https://su.wikipedia.org